38 номгӯй адабиёти бачагона ба табъ мерасад

Душанбе, 19.02.2015. (АМИТ “Ховар”, Ситораи Боймурод).- Тибқи иттилои  сомонаи расмии Вазорати фарҳанги Тоҷикистон муассисаи нашриявии «Адабиёти бачагона» бо мақсади қонеъ гардонидани талаботи наврасони Ҷумҳурии Тоҷикистон бо китобу дастурҳои бачагона дар соли 2015 ният дорад, ки 38 номгӯй адабиёти бачагонаро, ки дар маҷмӯъ 364 ҳазору 780 сомониро дар бар мегирад, ба табъ расонад. 
Гуфта мешавад, ки муассиса бо ҷалби моликиятҳои зеҳнӣ, алалхусус осори  шоирону нависандагони маъруф Гулназар Келдӣ, Муҳаммад Ғоиб, Саидалӣ Маъмур, Маҷид Салим, Ҷӯра Ҳошимӣ, Алӣ Бобоҷон афсонаҳои халқӣ, ҳикоят ва панду андарзҳо аз осори ниёгонро вобаста ба синн ва зеҳни кӯдак, барои ба табъ расонидан бо муассисаи нашриявии «Адабиёти бачагона» ҳамкориҳои доимӣ дорад.