5 млн. сомонӣ барои таъмири роҳи Зафаробод-Дӯстӣ
Душанбе, 26.02.2015. (АМИТ «Ховар», Мавҷуда Анварӣ).- Зимни сафари корӣ ба ноҳияи Зафаробод 24-уми феврал раиси вилоят Абдураҳмон Қодирӣ ба таъмиру навсозии роҳи Зафаробод-Дӯстӣ, ки қисми аҳолии ноҳияро аз шаҳраки Зафаробод то ҷамоати деҳоти Дӯстӣ ба ҳам мепайвандад, оғоз бахшид. Дар доираи барномаи идомаи соли роҳҳои обод роҳи мазкур ба масофаи 27,6 километр мумфарш мешавад. Ин роҳ беш аз сӣ соли охир ба таъмири пурра фаро гирифта нашудааст ва барои ин кор аз буҷети вилоятӣ 5 миллион сомонӣ ҷудо мешавад.
«Соли ҷорӣ дар баробари ободонии роҳҳо иқдоми дигари созанда низ дар ҳудуди ноҳияи Зафаробод амалӣ мешавад», — таъкид намуд, зимни суҳбат раиси вилоят. Аз соҳибкорон ва мардуми ноҳия даъват ба амал овард, ки ҷавобан ба ин ташаббус дар таъмиру ободонии роҳҳои дохилии ҷамоатҳо ҳиссагузор бошанд.
Тибқи нақшаи таҳияшуда дар Зафаробод аз 392 километр масофаи умумии роҳҳо 168 километри онҳо таъмирталаб мебошанд, ки соли равон таъмири асосӣ, ҷорӣ ва шағалпӯш хоҳанд шуд.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






