А.Наумович:«Тайёрӣ ба интихобот дар асоси қонун сурат мегирад»

Душанбе, 16.02.2015. (АМИТ «Ховар», Муқаддас  Темурзода).- Дар  шаҳри  Душанбе  мулоқоти ҳайати  нозирони байналмилалӣ аз Маҷмаи  байнипарлумонии  Иттиҳоди Давлатҳои  Мустақил бо   раиси  Комиссияи  марказии  интихобот  ва  раъйпурсии Ҷумҳурии  Тоҷикистон  Шермуҳаммад  Шоҳиён  баргузор гардид. 
Ҳамоҳангсози гурӯҳи  нозирони ИДМ Андрей  Наумович  баъди  мулоқот  дар  нишасти  матбуотии  Журналистон  зикр  намуд, ки алҳол  ҳайати  мазкур  иборат  аз   34  вакил,  аз ҷумла,  намояндагони  Беларус, Арманистон,  Русия, Молдова, Қирғизистон  буда,  дар  оянда  бояд  нозирони   кишварҳои  дигари  ИДМ ба он  пайванданд. 
«Вазифаи  асосии  мо   иборат  аз  шиносоӣ  бо  ҷараёни  тайёрӣ ба интихоботи  пешорӯ, аз ҷумла бо  фаъолияти  комиссияҳои  поёнии  интихоботӣ ва  иштироки доимӣ  дар  ҷаласаҳои  комиссияҳои интихоботии шаҳру ноҳияҳои  ҷумҳурӣ  аст», — гуфт Андрей  Наумович.