Афзоиши майли сайёҳони хориҷӣ ба Тоҷикистон

Февраль 16, 2015 13:49

Душанбе, 16.02.2015. (АМИТ «Ховар», Некрӯзи Муҳаммадсодиқ). -Имрӯз дар меҳмонхонаи «Шератон»-и пойтахт мулоқоти муовини раиси Кумитаи ҷавонон, варзиш ва сайёҳӣ Назарзода Ризо Шодӣ ва Cафири фавқулода ва мухтори Ҷумҳурии Тоҷикистон дар Қувайт  Зубайдулло Зубайдов бо гурӯҳи коршиносон, роҳбарони ширкатҳои сайёҳӣ  ва рӯзноманигорони давлати Қувайт баргузор гардид. 
Масъулин мақсади мулоқотро омӯхтани бозори туристии мамлакат ва рушди минбаъдаи ҳамкориҳо дар бахши туризми воридотӣ арзёбӣ намуданд. 
Зимни мулоқот аз ҷониби ширкатҳои туристии кишвар имкониятҳои хизматрасонии соҳаи сайёҳӣ ва хатсайрҳои ҷолибу минтақаҳои зебои Тоҷикистон муаррифӣ  шуданд.   
Ҷонибҳо ҷиҳати таҳкими муносибатҳои мутақобилан судманди дуҷониба  дар соҳаи туризм ҳавасмандӣ ва омодагии худро баён доштанд.  
Коршиносону рӯзноманигорон қувайтӣ аз 16 то 20 феврали соли равон ҷиҳати ташкили хатсайрҳо барои шаҳрвандони қувайтӣ  ба Тоҷикистон аз мавзеъҳои таърихиву фарҳангии кишвар дидан намуда, бо расму оин ва анъанаҳои миллии мардуми тоҷик аз наздик ошноӣ  пайдо хоҳанд кард.  
Лозим ба ёдоварист, ки гурӯҳи кории соҳаи сайёҳии давлати Қувайт, ки иборат аз 21 нафар мебошад, баъд аз ташкили намоишгоҳи туристӣ  ва нишасти ширкатҳои туристии Тоҷикистон дар давлати Қувайт, ки 22-  25 ноябри соли 2014 сурат гирифт, ба Тоҷикистон ташриф овард. 
Дар ин бора Наврӯз Қурбонов, мутахассиси пешбари Бахши таҳлилу иттилооти Кумитаи ҷавонон, варзиш ва сайёҳӣ хабар дод.
 
 
 
 
 

Февраль 16, 2015 13:49

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд