Аз «Белий аист» ҳазар кунед!

Душанбе, 18.02.2015. (АМИТ «Ховар»).- Кормандони Агентии стандартизатсия,  метрология,  сертификатсия  ва  назорати  савдо («Тоҷикстандарт»)  дар  вилояти  Суғд  миқдори  зиёди  нӯшокиҳои  спиртдорро  аз  қабили  коняки  «Белий аист» ва  арақи «Пшеничная» ошкор намуданд, ки  ба  стандартҳои  дахлдор  мутобиқат надоранд. 
Мувофиқи  маълумоти  манбаъ,  дар  ҷараёни  санҷиши  корхонаи Ҷамъияти  масъулияташ  маҳдуди «Шоҳин» қонуншиканиҳои  мухталиф,  аз ҷумла  риоя нашудани  стандартҳои  байналмилалӣ ошкор гардиданд.
Масалан,  дар анбори  корхонаи  зикршуда 1 ҳазору 834  воҳиди  коняки «Белий  аист»  пайдо гардид, ки дар зарфи  полиэтиленӣ  ҷой  шудааст. Дар  ин ҷо  ҳамчунин  беш  аз  9  ҳазор  зарфи  пластмасии  дорои  арақи «Пшеничная»  пайдо  гардид. 
Санҷиши  маҳсулоти  спиртдор  идома дошта,  ба  гуфтаи  мутахассисон  арақу  коняк  бояд  фақат  дар  зарфҳои шишагин ҷой дода шаванд.