Бадахшон ҷои маводи мухаддир нест

Душанбе, 05.02.2015. (АМИТ «Ховар», Мавҷуда Анварӣ).-  Кормандони Раёсати Агентии назорати маводи нашъаовар дар ВМКБ дар ҳамкорӣ бо Шуъбаи маорифи шаҳри Хоруғ дар Маркази ҷавонон силсилаи чорабиниҳои зиддимухаддиротиро бо иштироки хонандагони мактабҳои таҳсилоти ҳамагона аз 12 то 30 январи соли 2015 дар мавзӯъҳои «Бадахшон ҷои маводи мухаддир нест», «Помир бар зидди норасоии масъунияти бадани одам», «Мардуми Бадахшон ҳаёти солимро интихоб менамояд», «Ин ҷаҳонро нигар бо чашми хирад», «Зиндагӣ дар Бадахшон-бидуни маводи нашъаовар» баргузор намуданд.
Мутахассисони агентӣ оид ба бемориҳои нашъамандӣ ва ВНМО сухан гуфта, инчунин сужаҳои видеоиро низ намоиш доданд.
Аз ҷониби хонандагони ин минтақа оид ба нашъамандӣ саҳначаҳои тарбиявӣ намоиш дода шуданд.