«Баракат» ва «Интермёд» дар «ПРОДЭКСПО — 2015» иштирок мекунанд
Душанбе, 04.02.2015. (АМИТ «Ховар», Кристина Эрлих).- 2 феврал дар шаҳри Душанбе мулоқоти иштироккунандагони Намоишгоҳи махсуси байналмилалии маводи озуқа, нӯшокиҳо ва ашёи хоми онҳо «ПРОДЭКСПО — 2015» баргузор гардид. Ёдовар мешавем, ки намоишгоҳ аз 9 то 13 феврал дар Маркази содироти шаҳри Маскав доир мегардад.
Дар мулоқот сардори шӯъбаи кор бо аъзои ПСС ҶТ Сайёра Абдуллоева, мушовири бахши хидматрасонии лоиҳаи Барномаи рушди СММ Рустам Шодибеков, сардори шӯъбаи фаъолияти намоишгоҳу ярмаркаҳои ПСС ҶТ Дилшод Мирсаидов, сардори шӯъбаи танзим ва назорати содиротии Раёсати ташкили назорати гумрукии Хадамоти гумруки назди Ҳукумати ҶТ Ризо Содиқов, ҳамчунин роҳбари Ҷамъияти саҳҳомии пӯшидаи Корпоратсияи «Баракат» Пардаалӣ Алимардонов ва директори Ҷамъияти саҳҳомии кушодаи «Интермёд» Талбӣ Шоев ширкат доштанд.
Тавре ки аз ПСС ҶТ ба АМИТ «Ховар» хабар доданд, калонтарин дар Русия ва Аврупои Шарқӣ форуми байналмилалии «ПРОДЭКСПО — 2015» воқеаи асосии ҳарсолаи бахши маводи озуқа ва нӯшокиҳо маҳсуб меёбад.
Сардори шӯъбаи кор бо аъзои ПСС Тоҷикистон Сайёра Абдуллоева изҳори умедворӣ намуд, ки иштироки истеҳсолкунандагони маводи ғизоии Тоҷикистон дар фаъолияти «ПРОДЭКСПО — 2015» ва бастани қарордоду шартномаҳои муфид ба татбиқи лоиҳаҳои афзалиятноки миллӣ ба манзури таҳкими рақобатпазирии маҳсулоти бехатар ва аз нигоҳи экологӣ тозаи кишвар дар бозори ҷаҳон мусоидат мекунад.








Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд






