Барфрезии шадид ва бастани роҳҳо дар Бадахшон

Февраль 23, 2015 15:32

Душанбе, 23.02.2015. (АМИТ «Ховар», Мавҷуда Анварӣ).-  Бар асари барфрезии шадиди чанд рӯзи охир дар Бадахшон роҳи Хоруғ-Душанбе, Хоруғ-Мурғоб ва Хоруғ-Ишкошим баста шудааст. Тибқи иттилои Ориф Нозимов, сардори маркази матбуоти Кумитаи ҳолатҳои фавқулода ва мудофиаи шаҳрвандии кишвар  дар айни замон дар самти роҳи Душанбе-Хоруғ, дар километри 471, 472-и мавзеи дашти Язгуломи ноҳияи Ванҷ, мавзеъҳои Санободу Пастхуфи ноҳияи Рӯшон низ бар асари фаромадани тарма роҳ муваққатан баста мебошад. 
«Дар роҳи Хоруғ-Мурғоб дар километри 634, 635 ва роҳи Хоруғ-Ишкошим дар километри 5,6,8 низ фаромадани тарма ба қайд гирифта шудааст. Дар мавзеъҳое, ки тарма фаромадааст, наҷотдиҳандагони ситоди кумита барои бартараф намудани оқибатҳо фаъолият бурда истодаанд»,-мегӯяд О. Нозимов.
Манбаъ хабар дод, ки дар айни ҳол ҳаракат дар шоҳроҳҳои дигари Тоҷикистон- Душанбе-Ҷиргатол, ағбаҳои Анзоб, Шаршар, Чормағзак, Фахробод кушода буда, танҳо ағбаи Хобуробот маҳкам мебошад.
 
 
 

Февраль 23, 2015 15:32

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд