Беморхонаи замонавӣ дар Кӯлоб

Душанбе, 17.02.2015. (АМИТ “Ховар”, Рафоати Абдулҳамид).- Дар беморхонаи вилоятии шаҳри Кӯлоб оид ба масъалаи баланд бардоштани  сифати хизматрасонии  тиббӣ тадбирҳои мушахассу мондагор рӯи кор омада, дастрас гардидани як силсила тақҳизоти муосири муоина ва табобат кори ҳам табибон ва ҳам беморонро бамаротиб осон  гардонидааст. Дар айни замон   беморхона дорои 270 кат буда, бо муосиртарин таҷҳизот муҷаҳҳаз мебошад ва   дар он 56 духтури маълумоти олидор ва 260 нафар ҳамшираи шафқат ва корманди хоҷагию муҳосибот фаъолият менамояд.