Боздиди Азим Иброҳим аз КВД «Ширкати Алюминийи Тоҷик»
Душанбе, 19.02.2015. (АМИТ «Ховар», Бекназари Абӯбакр). — 18 феврали соли ҷорӣ муовини Сарвазири мамлакат Азим Иброҳим аз фаъолияти Корхонаи Воҳиди Давлатии «Ширкати Алюминийи Тоҷик» шинос шуда, бо роҳбарият ва кормандони муҳандисиву техникии он вохўрии корӣ анҷом дод.
Зимни суҳбат зикр шуд, ки ҳолати кунунии фаъолияти ширкат роҳбарии ҳирфаиро талаб менамояд. Илова бар ин, истеҳсоли алюминий нисбат ба соли гузашта зиёда аз 50 ҳазор тонна ё на камтар аз 170 ҳазор тонна пешбинӣ шудааст, инчунин талаботи истеҳсолии 7 корхонаи ватании коркарди алюминий 53,5 ҳазор тоннаро ташкил медиҳад.
Вобаста ба ин, роҳбарияти тозатаъйин вазифадор мебошад, ки дар самти боздоштани тамоюли пастравӣ ва вусъат бахшидани иқтидори истеҳсолии ширкат тавассути афзун намудани шумораи ваннаҳои электролизӣ дар кўтоҳтарин муҳлат тадбирҳои амалӣ андешад.
Роҳбарияти ширкат иттилоъ дод, ки ҷиҳати беҳтар намудани фазои истеҳсоливу рақобатпазирӣ нақшаи чорабиниҳои мушаххас рўи даст доранд ва дар ин самт бо шарикони хориҷӣ низ вобаста ба барқарорсозиву афзун намудани иқтидори истеҳсолии корхона гуфтушунидҳо дар арафаи анҷомёбӣ қарор доранд.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






