Бунёди пул то иди Наврӯз

 
Душанбе, 06.02.2015. (АМИТ «Ховар», Мавҷуда Анварӣ).-  Иҷрокунандаи вазифаи раиси шаҳри Кӯлоб Хайруллои Амонулло  аз сохтмони пули назди бозори «Саховат»-и шаҳри Кӯлоб дидан карда, бо раванди корҳои то имрӯз анҷом шуда ошноӣ пайдо кард. 
Пули мазкур дар доираи лоиҳаи бунёди роҳи мошингарди Кӯлоб- Қалъаи Хумб бунёд ёфта, сохтмони он соле қабл оғоз шуда, ба истифодадиҳии он то имрӯз тӯл кашида истодааст. 
Дар айни ҳол бунёди пулро ширкати туркии «Текар» ба уҳда дошта, тибқи иттилои мушовири лоиҳаи мазкур Сафаралӣ Абдуллоев то 20 феврал корҳои васлкунии оҳану бетонҳои қисмати болои пул анҷом ёфта, анчоми пурраи корҳои бунёдкорӣ дар арафаи иди Наврӯз пешбинӣ шудааст.