Чкалов: Ҷамъбасти озмуни «Китобхони беҳтарин»

Душанбе, 20.02.2015. (АМИТ “Ховар”, Ситораи Боймурод).- Дар китобхонаи электронии  мактаби Президентии Чкалов  озмуни «Китобхони беҳтарин», ки пеш аз оғози  таътили зимистона эълон шуда буд,  ҷамъбаст гардид.
Тавре ки дар ин бора хадамоти матбуоти раиси вилояти Суғд хабар додааст, дар давоми  таътил  498 нафар  хонанда  китобҳои бадеию  илмиро аз китобхонаҳо дастрас ва мутолиа намуд.  Ҷамъбасти озмун  аз рӯи шартҳои миқдори китобҳои хонда шуда,  маълумот оид ба қаҳрамонҳои  асарҳои хондашуда, аз ёд гуфтани сатри яке аз китобҳои хонда шуда  гузаронида шуд.
Гуфта мешавад, ки дар ҷамъбасти озмун ба 9 нафар ғолиб- хонандаи синфҳои 1-11  Ифтихорномаи маъмурияти мактаб ва туҳфаҳои хотиравӣ супорида шуданд.