Чкалов: Мулоқоти созанда бо хонандагон

Душанбе, 26.02.2015 (АМИТ “Ховар”, Рафоати Абдулҳамид).- Дирӯз, 25 феврал дар муассисаи таҳсилоти миёнаи умумии №11-и ҷамоати шаҳраки Палоси шаҳри Чкалов бо иштироки зиёда аз 200 нафар духтари синфҳои 5 — 11 вохӯрӣ доир гардид.
Тавре ки Хадамоти матбуоти раиси вилояти Суғд хабар додааст, вохӯрӣ дар доираи эълон гардидани Соли 2015 ҳамчун соли оила гузаронида шуда, дар он оид ба масоили тарбиявӣ, аз ҷумла эҳтироми падару модар, некиву накӯкорӣ, сарфаву сариштакорӣ, дурӣ ҷустан аз  бегонапарастӣ байни иштирокдорон вобаста ба масъалаҳои таълиму тарбия мубодилаи афкор  сурат гирифт.