Дастаи мунтахаби Тоҷикистон ба Аморати Араб меравад

Душанбе,  05.02.2015. (АМИТ «Ховар»).-  Тавре  ки аз Федератсияи  футболи  Тоҷикистон  хабар  доданд, даври  интихобии  мусобиқоти  ҷавонони  «Осиё — 2016» дар  гурӯҳи   «D», ки  дастаи  мунтахби  Тоҷикистон (U-23)  дар  он  қувваозмоӣ  менамояд,  дар Аморати  Муттаҳидаи  Араб  баргузор  мешавад. 
Даври  интихобии  ин  мусобиқот  аз 27 то 31  март  дар   шаҳри  Фуҷейра  сурат  гирифта, дар  он  дастаҳои  мунтахаби Аморати  Муттаҳидаи  Араб, Шри — Ланка ва  Яман  ҳарифони  дастаи  мунтахаби  Тоҷикистон  ба  шумор  мераванд.
Шогирдони  Алишер  Тӯхтаев  27  март бо  дастаи  Яман,  29  март  бо дастаи Аморати  Муттаҳидаи  Араб  ва  31  март  бо  дастаи  мунтахаби  Шри — Ланка  қувваозмоӣ  менамоянд. 
Ёдовар  мешавем, ки   дар  даври  интихобии  мусобиқот  43  дастаи  мунтахаби ҷавонон  иштирок  менамоянд. 
Қисми  хотимавии   мусобиқот   дар Қатар  баргузор  мешавад. Мақсад  аз  доир  намудани  мусобиқоти «Осиё —  2016» гирифтани  роҳхат  ба  Бозиҳои олимпии  соли  2016 мебошад, ки  дар   шаҳри  Рио — де — Жанейро  баргузор  мешаванд.