Дастурҳои клиникӣ дар амал ҷорӣ мешаванд

Февраль 17, 2015 10:50

Душанбе, 17.02.2015. (АМИТ «Ховар», Лайло Тоирӣ). — Табобат дар асоси тибби собитшуда асоси фаъолияти табибон маҳсуб мешавад. Ташхиси дурусту саривақтӣ ва табобат бо роҳу усулҳои собитшуда гарави солимии ҷомеа аст. Бо ин мақсад ҳафтаи гузашта, дар шаҳри Душанбе даври омӯзишӣ оид ба истифодаи маҷмӯи дастурҳои клиникии ташхису табобати беморон дар сатҳи кумаки аввалияи тиббию санитарӣ барои табибон-омӯзгорон доир гардид. Зикр бояд кард, ки бо дастгирии молиявии Бонки ҷаҳонӣ маҷмӯи дастурҳои клиникӣ дар ҳаҷми 12 000 нусха ба чоп расиданд, ки барои дастрас намудан ба табибон пешниҳод шуданд. 
Бино ба иттилои аз хадамоти матбуоти Вазорати тандурустӣ ва ҳифзи иҷтимоии аҳолӣ, ин дастурҳо аз ҷониби табибони ботаҷриба, профессорону олимони шинохта ва устодони ДДТТ таҳия гардида, барои ба роҳ мондани табобат дар асоси тибби собитшуда кумак хоҳанд кард. Дастрасӣ ба ин маҷмӯа ва омӯзонидани мутахассисон дар шахру навоҳии кишвар истифодаи онро боз ҳам самараноктар мегардонад. Аз ҷониби лоиҳаи “Беҳтаргардонии хизматрасонии тиббӣ” ва Маркази ҷумҳуриявии таълимию клиникии тибби оилавӣ мутахассисони соҳа ба чунин даврҳои омӯзишӣ ҷалб  мешаванд. Ин даврҳои омӯзишӣ дар дигар шаҳру навоҳии кишвар идома хоҳанд ёфт.
 
 

Февраль 17, 2015 10:50

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд