Даъвати М. Убайдуллоев аз прокуратура

   Душанбе, 10.02.2015.(АМИТ «Ховар», Марзия Саидзода).- Раиси шаҳри Душанбе Маҳмадсаид Убайдулоев аз прокуратураи шаҳр  даъват ба амал овардааст, ки бо ҷалби прокуратураҳои ноҳиявӣ шуруъ аз 10 феврали соли 2015 фаъолияти роҳбарони сохторҳои зидахли шаҳрию ноҳиявиро дар иҷрои вазифаҳои таъйинотӣ  мавриди назорат ва санҷиши доимӣ қарор диҳад. Ин тадбир бо мақсади баланд бардоштани ҳисси масъулиятшиносии роҳбарони бахшҳои алоҳидаи хоҷагидории пойтахт дар иҷрои вазифаҳои хизматӣ андешида шудааст. 
Дар ҷаласаи шаҳрдорӣ ҳамзамон ҷиҳати риояи муқаррароти қоидаҳои тартиботи ҷамъиятӣ, санитарӣ ва ободонӣ дар пойтахт, хусусан дар самти беҳдошти муҳити зист, таҳкими фарҳанги шаҳрнишинӣ байни сокинон,  дастур дода шуд, ки дар ин самт  институти волонтёрӣ  ҷалб  шавад.