Дидори Хусрав Нозирӣ бо Ҳишом Бадр

 Душанбе, 27.02.2015 (АМИТ «Ховар»).- 26 феврали 2015 сафири Тоҷикистон  дар Қоҳира Хусрав Нозирӣ бо муовини вазири корҳои хориҷии Миср дар масъалаҳои бисёрҷониба ва амнияти байналмилалӣ Ҳишом Бадр мулоқот намуд.
 Мусоҳибон масъалаҳои густариши ҳамкории ду кишвар дар чаҳорчӯби созмонҳои байналмилалӣ, аз ҷумла Созмони Милали Муттаҳидро баррасӣ намуданд. Дар ин замина таъкид гардид, ки ҷониби мисрӣ ният дорад дар Конфронси сатҳи баланди байналмилалӣ роҷеъ ба татбиқи Даҳсолаи байналмилалии амал Об барои ҳаёт, солҳои 2005-2015, ки дар Душанбе 9-11 июни 2015 баргузор мешавад, фаъолона ширкат кунад.