ДОТ: баррасии фаъолияти солона

      Панҷакент, 04.02.2015. (АМИТ «Ховар», Гулбаҳори Худойбердӣ).-  Дирӯз дар  Донишгоҳи озоди  Тоҷикистон (ДОТ) дар  шаҳри Панҷакент бо иштироки хабарнигорони маҳалливу ҷумҳуриявӣ  нишасти  матбуотӣ баргузор гардид.
    Ректори ДОТ профессор Муаззам Ансорӣ дар бораи фаъолияти  солонаи 2014 маълумот дода, аз ҷумла чунин гуфт: «Соли 2014 аввалин маротиба гурӯҳи дониҷӯён  бо усули низоми кредитӣ ДОТ-ро хатм намуд. Инчунин мо бо чандин донишгоҳҳои кишварҳои хориҷӣ шартномаи ҳамкорӣ бастем. Феълан донишгоҳи мо дорои 17 кафедра, 6 факулта ва 28 ихтисос аст, ки дар барои аксари ин ихтисосҳо омӯзгорони варзида тайёр мекунад».
   -Соли ҷорӣ нақшаи асосии мо бунёди хобгоҳ барои  донишҷӯён ва манзилҳои истиқоматӣ барои устодони ДОТ мебошад, ки дар солҳои наздик ба ин кор муваффақ хоҳем шуд ,- гуфт профессор Ансорӣ. 
Дар фарҷоми нишаст М.Ансорӣ ба саволҳои хабарнигорон ҷавобҳои мушаххас дод.