Гардиши савдои хориҷии Тоҷикистону Ҳиндустон 21 млн. аст

Душанбе, 26.02.2015. (АМИТ «Ховар», Мавҷуда Анварӣ).-Баррасии ҳамкориҳои самарабахши иқтисодӣ байни Тоҷикистон ва Ҳиндустон мавзӯи асосии мулоқоти вазири рушди иқтисод ва савдо Неъматулло Ҳикматуллозода бо Сафири Ҷумҳурии Ҳиндустон дар Тоҷикистон Аситҳ Бҳатттачарҷи гардид, ки 24 феврал  дар Вазорати рушди иқтисод ва савдо баргузор гардид. 
Ҷонибҳо азми худро ҷиҳати боз ҳам густариш додани ҳамкориҳои иқтисодию тиҷоратӣ баён дошта, дар масъалаҳои ҳавасмандии ҷониби Ҳиндустон ба Созишномаи сеҷонибаи транзитӣ байни Ҷумҳурии Тоҷикистон ва ҷумҳуриҳои Исломии Афғонистону Покистон, инчунин омодагӣ ба ҷаласаи навбатии Комиссияи байниҳукуматии Тоҷикистону Ҳиндустон оид ба ҳамкориҳои иқтисодию тиҷоратӣ ибрози назар намуданд.
Бояд зикр намуд, ки гардиши савдои хориҷӣ байни ду кишвар дар соли 2014 ҳамагӣ 21 млн. доллари ИМА-ро ташкил дод. Маҳсулоти содиротиро асосан доруворӣ ташкил дода, сохтори воридот аз маҳсулоти доруворӣ ва фармасевтӣ, гӯшти гов ва маҳсулот аз металлҳои сиёҳ иборат аст.