«Хайр» бо «Шайх Рассела» қувваозмоӣ мекунад

Душанбе, 10.02.2015. (АМИТ «Ховар»).- Дар  арафаи    даври  дуюми  мусобиқаи байни дастаи  «Хайр» — и  шаҳри  Ваҳдат ва дастаи «Шайх Рассела» — и Бангладеш барои  дарёфти Ҷоми  Конфедератсияи  футболи  Осиё дар  шаҳри  Душанбе  машварати намояндагони  клубҳои  варзишӣ  ва  хадамоту  сохторҳои  марбут ба  ин  мусобиқа бо роҳбарии комиссари Конфедератсияи  футболи  Осиё  Олим  Орифов (Ӯзбекистон) баргузор гардид.
Дар  машварат  масъалаҳои ташкилии ин  вохӯрӣ  муфассал муҳокима  шуданд. Иштироки 15  ҳазор нафар  мухлисони  футбол дар  ин  вохӯрӣ  дар  назар  аст. 
Мувофиқи  суханони   намояндаи клуби  шаҳри  Ваҳдат  Алӣ  Шарифов, ҷараёни ин вохӯрӣ  тавассути «Шабакаи  аввал» — и телевизион мустақиман намоиш дода  мешавад.