Хатлон: Озмуни «Оилаи беҳтарин ва намунавӣ» дар соли 2015

Февраль 6, 2015 08:52

Душанбе, 06.02.2015. (АМИТ «Ховар», Мавҷуда Анварӣ).-  Дар Китобхонаи вилоятии ба номи Шамсиддин Шоҳини шаҳри Қӯрғонтеппа  бахшида ба Соли оила эълон шудани соли 2015 ҷамъомад доир гардид.
Дар маҳфил намояндагон ва   масъулини идораҳои давлатию ҷомеаи шаҳрвандӣ ва рӯҳониёни ин минтақа  иштирок доштанд.  
Маърифат Зоирзода- мудири Бахши кор бо занон ва оилаи назди мақомоти иҷроияи ҳокимияти давлатии вилояти Хатлон иброз намуд, ки: «Танҳо дар соли 2014 дар вилоят 1894 ақди никоҳ бекор карда шудааст. Мо аз зиёд гаштани сафи оилаҳои вайроншуда нигарон ҳастем ва бояд дар ҳамкорӣ бо аҳли ҷомеа, бо маслиҳату машварати ҳамдигар роҳи ҳалли ин мушкилотро дарёбем». 
Иштирокчиёни дигари ҳамоиш андешаҳои худро оид ба мустаҳкам намудани муносибатҳои оилавӣ, пешгирӣ аз ҷудошавии ҷуфтҳо баён намуданд. 
Зимни ҷамъомад масъулини шуъбаи кор бо занон ва оилаи вилоят аз тасмими худ дар бораи баргузории озмуни нави «Оилаи беҳтарин ва намунавӣ» дар соли 2015 хабар доданд, ки дар тамоми шаҳру навоҳии Хатлонзамин ҷараён хоҳад гирифт. 
Маҳз ба хотири ҳифз ва пойдории оилаҳо, инчунин ба камол расидани насли солим Президенти мамлакат зимни ироаи Паёми худ ба Маҷлиси Олӣ 23 январи соли ҷорӣ пешниҳод кард, ки соли 2015 «Соли оила» эълон  шавад.

Февраль 6, 2015 08:52

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд