Кӯлоб: Баррасии масоили оилавӣ бо ҷавондухтарон

Душанбе, 05.02.2015 (АМИТ “Ховар”, Фарзонаи Давлат).-Дирӯз муовини якуми раиси Кумитаи чавонон, варзиш ва сайёҳӣ Мавсума Муинӣ бо ҷавондухтарони Коллеҷи тиббии шаҳри Кӯлоб дар доираи эълон гардидани соли 2015 ҳамчун  соли оила мулоқот намуд.
Дар вохӯрӣ мавзӯъҳои омӯхтани касбу ҳунар ва инчунин пешгирии роҳҳои пошхӯрии оила ва дигар масъалаҳои оилавӣ баррасӣ гардиданд.
Ҳамчунин дар доираи сафари худ масъулини Кумита ва намояндагии он дар вилояти Хатлон мулоқоти навбатии худро бо собиқадорони ҷангу меҳнат, занон, омӯзгорон, ходимони дин, сарбозон, чавонон ва волидайни онҳо дар ноҳияи Восеъ доир карда, аз ҷавонон даъват намуданд, ки илм омӯзанд, бомаърифат шаванд, калонсолонро эҳтиром намоянд, аз таъриху фарҳанги давлати худ огоҳ гардида, Ватани худро аз самими қалб дӯст доранд.