КДАМ ҶТ: Боздошти нашъаҷаллобони тоҷику афғон дар сарҳад
Душанбе, 16.02.2015. (АМИТ «Ховар», Мукаддас Темурзода).- Ҳафтаи сипаригардида зимни як амалиёти махсус кормандони фаврии қӯшунҳои сарҳадии Кумитаи давлатии амнияти миллии Ҷумҳурии Тоҷикистон дар ноҳияҳои Ҳамадонӣ ва Шӯрообод пеши роҳи боз як ҷинояти вобаста ба маводи мухаддирро пешгирӣ намуданд.
Тавре ки аз Маркази матбуоти Сарраёсати Қӯшунҳои сарҳадии Кумитаи давлатии амнияти миллии Ҷумҳурии Тоҷикистон ба АМИТ «Ховар» иттилоъ доданд, аз сабаби дар ҳолати пурзӯри муҳофизат қарор доштани сарҳади давлатӣ қочоқчиёни афғон нақшаҳои худро тағйир дода, дар минтақаи яке аз дидбонгоҳи отряди сарҳадии «Шӯрообод» аз ҳудуди Ҷумҳурии Исломии Афғонистон ба қаламрави Ҷумҳурии Тоҷикистон миқдори калони маводи мухаддирро интиқол дода, мехостанд, ки ба қочоқбарони тоҷик супоранд.
«Пас аз супоридан яке аз қочоқбарони афғон, ки ному насабаш бо сабаби халал нарасонидан ба ҷараёни тафтишот фош карда намешавад, дастгир гардид. Қочоқбарони тоҷик пас аз гирифтани маводи мухаддир бо воситаи мошини тамғаи «Нива», рақами давлатиаш С 5294 03 РТ тавассути деҳаи Саричашмаи ноҳияи Шӯрообод ба ноҳияи Восеъ ва баъдан ба ноҳияи Ҳамадонӣ ҳаракат менамоянд.
Кормандони фаврии қӯшунҳои сарҳадӣ бо маълумоти мазкур зимни амалиёт дар якҷоягӣ бо кормандони Раёсати КДАМ дар вилояти Хатлон бо сабаби маҳдуд будани вақт, ба Шуъбаи ВКД-и ноҳияи Восеъ хабар дода, барои пешгирӣ намудани интиқоли маводи мухаддир аз минтақаи сарҳадӣ бо пешниҳоди кормандони фаврӣ дар самтҳои эҳтимолияти ҳаракати қочоқчиён аз ҳисоби кормандони ШКВД-и ноҳияи Восеъ низ постҳои муваққатӣ гузошта мешавад.
Дар натиҷаи ин амалиёти махсуси муштарак, кормандони ҳифзи ҳуқуқ, тақрибан соатҳои 22:00-22:30 дақиқаи вақти маҳаллӣ дар минтақаи деҳаи Ибрати ноҳияи Восеъ мошини тамғаи «Нива»-ро, ки онро шаҳрванд Насимов Хуршедҷон Маҳмадҷонович, соли таваллудаш 1992, сокини Ҳамадонӣ идора менамуд, боздошт намуданд.
Ҳангоми азназаргузаронии мошин, аз бағоҷи он ба миқдори 1 кг 950 гр. героин ва 84 кг 500 гр. афюн дарёфт ва мусодира шуд.
Оид ба далели мазкур парвандаи ҷиноӣ оғоз шуда, корҳои тафтишотӣ дар ин самт идома доранд»,- хабар медиҳад сарчашма.
Имрӯз дар баъзе ноҳияҳои Тоҷикистон туман мефарояд
Дар ноҳияи Муъминобод 168 километр роҳи мошингард таъмир гардид
«Oila TV» – шабакаҳои телевизионӣ мувофиқи ҳар табъу завқ
Имрӯз дар ноҳияҳои кӯҳии Тоҷикистон бориши борон ва барф дар назар аст
«КИТОБ БАРОИ МУҲОФИЗОНИ ВАТАН». Бахшида ба Рӯзи Қувваҳои Мусаллаҳи Ҷумҳурии Тоҷикистон иқдоми тақдими китоб идома дорад
Имрӯз дар баъзе ноҳияҳои Тоҷикистон бориши борон ва барф дар назар аст
АМАЛИЁТИ «ПИЁДАГАРД». Ҳадафи он коҳиш додани сатҳи садаманокӣ дар Тоҷикистон аст
МУШОҲИДОНИ БАЙНАЛМИЛАЛӢ. Қоидаҳои иштирок ва мақоми онҳо дар интихоботи вакилони Маҷлиси намояндагони Маҷлиси Олии Ҷумҳурии Тоҷикистон чӣ гуна аст?
«ЭЪЛОМИЯИ ҲУҚУҚИ БАШАРИ КУРУШИ КАБИР». Ин санад бузургтарин мероси маънавӣ дар миқёси умумибашарӣ аст
Имрӯз дар баъзе ноҳияҳои Тоҷикистон борон меборад
Танбашавии мошинҳо дар роҳҳои байналмилалие, ки аз маркази шаҳри Ваҳдат мегузаранд, кай бартараф мегардад?
ҲИСОББАРОБАРКУНИИ ҒАЙРИНАҚДӢ. 6 миллион амалиёти пардохти андоз ва боҷҳо ба тариқи ғайринақдӣ анҷом ёфт
