Лимити барқ имсол дар зимистон лағв шуд

Февраль 27, 2015 12:34

Душанбе, 27.02.2015. (АМИТ «Ховар», Лайло Тоирӣ). -Оғоз аз имрӯз, 27 феврал реҷаи маҳдудияти истифодаи барқ дар минтақаҳои кишвар комилан бекор карда шуд. Тавре ки пештар иттилоъ додем, Сарвари Давлат Эмомалӣ Раҳмон  ба сохторҳои дахлдор супориш  дода буд, ки  барқ ба аҳолии минтақаҳо то 19 соат дар як шабонарӯз интиқол дода шавад. Шуруъ аз  21 феврал аҳолии минтақаҳои кишвар  аз соати 05-00-и субҳ то 24-00-и шаб бо барқ таъмин буданд.
Бино ба иттилои котиби матбуотии ШСХК  «Барқи тоҷик» Нозир Ёдгорӣ бекор кардани лимити истифодаи барқ бо назардошти имконоти мавҷудаи шабакаҳои барқи кишвар, ки тайи 5-6 соли охир иқтидорашон нисбат ба замони шӯравӣ 1 ҳазору 20 мегаватт  ё худ 24% афзуд, амалӣ гардид.
Сабаби имсол пештар бекор намудани реҷаи маҳдудияти неруи барқ дар кишвар, мавриди истифода қарор додани навбати аввали Маркази барқу гармидиҳии «Душанбе-2», агрегати дуюми неругоҳи барқи обии «Сангтӯда-2» ва як силсила неругоҳҳои хурди барқӣ дар минтақаҳои ҷумҳурӣ мебошад.
Котиби матбуотии ин ширкат пешгӯиҳои бархе аз коршиносонро дар мавриди зимни фарорасии сардиҳои минбаъда дар Тоҷикистон боз аз  нав ҷорӣ кардани маҳдудият дар истифодаи неруи барқ нодуруст хонд
Хотиррасон мекунем, ки  ҳамасола аз аввали моҳи октябр то моҳи апрел дар минтақаҳои Тоҷикистон реҷаи маҳдудияти  истифодаи неруи барқ ҷорӣ мегардад.

Февраль 27, 2015 12:34

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд