«Маърифати оиладорӣ — калиди хушбахтӣ»- озмун дар Суғд

Душанбе, 18.02.2015. (АМИТ Ховар, Ситораи Боймурод).- Мақомоти иҷроияи ҳокимияти давлатии шаҳри Қайроққум дар доираи эълон гардидани «Соли 2015 — Соли оила» аз ҷониби Сарвари давлат Эмомалӣ Раҳмон гузаронидани силсилаи чорабиниҳоро ба нақша гирифтааст.
Тибқи нақша озмунҳои «Муҳаббати модар» барои эҷоди беҳтарин шеъру тарона, «Оилаи тифоқ» байни оилаҳои намунавии ҷамоатҳои шаҳраку деҳот ва ташкилоту корхонаҳо, «Ҷомеаи солим — аз оилаи солим», «Модару оила — ганҷи бебаҳо», «Маърифати оиладорӣ — калиди хушбахтӣ» ва мусобиқаҳои варзишии дастаҷамъона байни бонувону оилаҳо гузаронида мешаванд.
Гуфта мешавад, ки озмунҳо дар арафаи ҷашни Истиқлолияти давлатӣ натиҷагирӣ шуда, ғолибон туҳфаҳои пулию молиро соҳиб мегарданд.