Машварат оид ба ҷамъбасти фаъолияти низоми бонкии Тоҷикистон
Душанбе, 18.02.2015 (АМИТ “Ховар”, Фарзонаи Давлат).-Бо дастури Президенти Ҷумҳурии Тоҷикистон имрўз дар ҳузури Сарвазири мамлакат Қоҳир Расулзода оид ба ҷамъбасти фаъолияти низоми бонкии Тоҷикистон дар соли 2014 ва вазифаҳо барои соли 2015 машварати корӣ доир гардид.
Тавре ки таъкид шуд, новобаста ба таъсири омилҳои иқтисодию молиявии берунӣ дар соли 2014 фаъолияти низоми бонкии мамлакат муътадил нигоҳ дошта шуд ва дар ин самт пешравиҳои зиёд низ ба даст омаданд.
Дар машварат доир ба таъсиси Шўрои назди Ҳукумати Ҷумҳурии Тоҷикистон оид ба рушди низоми бонкӣ, мутобиқсозии низоми бонкии мамлакат ба таъсири омилҳои берунӣ, нигоҳдории мувозинати иқтисодиёти миллӣ дар пешорўи таъсири ин омилҳо, таҳкими имконоти пардохтпазирии бонкҳо, тақвияти ҳамкорӣ бо кишварҳо ва бонкҳои хориҷӣ, афзун намудани ҷалби сармоя ва қарздиҳии хурду миёна, маблағгузории соҳаҳои истеҳсолӣ ва баланд бардоштани сатҳи хизматрасонии бонкӣ таклифу пешниҳодҳои судманд баён шуданд.
Дастур дода шуд, ки барои дар шакли нақшаи чорабиниҳои амалӣ таҳияи таклифу пешниҳодҳо ва муайянсозии роҳу усулҳои наву судманди таъминкунандаи рушди бонизоми фаъолияти бонкӣ роҳбарияти вазорату идораҳои дахлдори мамлакат, роҳбарони бонкҳои давлатию саҳомӣ ва ташкилоту идораҳои хурди қарзию амонатӣ тадбирҳои бетаъхир андешанд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






