Мизи мудаввар дар партави Паёми Президент

Душанбе, 18.02.2015. (АМИТ Ховар, Рафоати Абдулҳамид).- Дирӯз дар Китобхонаи миллии Тоҷикистон дар партави Паёми Президенти  Тоҷикистон,  Кумитаи ҷавонон, варзиш ва сайёҳии Тоҷикистон  дар якҷоягӣ бо китобхона бо ҷавонон мизи мудаввар баргузор намуд.
Тавре ки сомонаи расмии Китобхонаи миллии Тоҷикистон хабар додааст, иштирокчиёни чорабинии мазкур ба ҷавонон муроҷиат намуда, иброз доштанд, ки  имрӯз беш аз 12 ҳазор ҷавон дар хориҷи кишвар ва зиёда аз 200 ҳазор дар дохили кишвар таҳсили илм доранд, ки мо имрӯз бо онҳо ифтихор мекунем, зеро онҳо воқеан ояндаи неки Ватан ва идомадиҳандаи  фаъолияти созандаи мо мебошанд.