Муҳокимаи эъмори Минтақаи иқтисодии Роҳи абрешим шуд

Душанбе,  04.02.2015. (АМИТ «Ховар»,  Кристина  Эрлих).- Ҳайати расмии Бонки  давлатии амонатгузории «Амонатбонк» бо  роҳбарии   раиси  ҳайати  роҳбарикунандаи  бонк Ҷамшед  Нурмаҳмадзода дар шаҳри  Саняи  музофоти Хайнани  ҶМЧ  дар семинари  Иттиҳодияи  байнибонкии  СҲШ  дар  мавзӯи «Эъмори  Минтақаи  иқтисодии  Роҳи  абрешим: маблағғузорӣ  ва тарҳрезӣ»  иштирок намуд. 
Назар  ба  иттилои «Амонатбонк»,  дар семинар кормандони масъули бонкҳои  узви Иттиҳодияи  байнибонкии Созмони ҳамкорӣ ва  коршиносони  дигари   ниҳодҳои  молиявии  байналмилалӣ  ширкат  доштанд. 
Ҷамшед Нурмаҳмадзода  ҳамчунин  бо  раиси  Шӯрои  директорони Бонки давлатии  рушди  Чин Ху  Хуэйбан  мулоқот  анҷом  дод.
Ҷонибҳо  масоили  таҳкими  минбаъдаи  муносибатҳои  дуҷонибаро  муҳокима  намуданд.