Муҳокимаи фаъолияти JICA дар Тоҷикистон

Душанбе, 10.02.2015. (АМИТ «Ховар»,  Кристина  Эрлих).- 9  феврал  дар  шаҳри  Душанбе  мулоқоти  вазири   рушди  иқтисод  ва  савдои  Ҷумҳурии  Тоҷикистон  Неъматулло  Ҳикматуллозода бо  ноиби  президенти Агентии  ҳамкории  байналмилалии  Ҷопон (JICA) Киёши  Кодера баргузор гардид. 
Киёши Кодера  Неъматулло  Ҳикматуллозодаро   ба  муносибати  таъйин  шуданаш ба  мансаби  вазири  рушди  иқтисод ва  савдо  муборакбод  карда, мақсадҳои  асосии  сафарашро  дар  мавриди  мҳоқимаи  фаъолияти JICA дар  Тоҷикистон ва таъсири   омилҳои  хориҷӣ  ба  иқтисодиёти кишвар  баён  намуд. 
Неъматулло  Ҳикматуллозода  аз рушди ҳамкории  мутақобилан  муфиди  байни Ҷумҳурии  Тоҷикистон  ба  Ҷопон  изҳори  қаноатмандӣ  кард.
Мусоҳибон перомуни  ҳамкории  минбаъда,  тарҳрезии Стратегияи  нави  JICA  нисбат ба  Тоҷикистон,  вазъи  иқтисодии  кишвар  ва  омилҳои   рушду  густариш  иқтисодиёти  мутақобила, равобити  иқтисодии  хориҷӣ ва  татбиқи   лоиҳаҳои  муштарак  табодули  афкор  намуданд.
Дар  ин  бора  аз хадамоти  матбуоти   Вазорати рушди  иқтисод ва  савдои  ҶТ  ба  АМИТ «Ховар»  хабар  доданд.