Муҳокимаи сиёсати иқтисодии Тоҷикистон

Душанбе,  09.02.2015. (АМИТ «Ховар»).- Чанде пеш  муовини  аввали  вазири молияи  Тоҷикистон Ҷ,Нуралиев бо ёвари  муовини котиби  давлатии Иёлоти  Муттаҳидаи  Амрико  Даниэл  Розенблум  мулоқот  анҷом  дод. 
Назар  ба  хабари Вазорати  молияи  ҷумҳурӣ,  дар  ҷараёни  мулоқот  перомуни  масоили  мубрам  ва дурнамои  ҳамкорӣ  дар  бахши  молия  ва  соҳаҳои  дигари  фаъолият  мубодилаи  афкор барпо  гардид. Ҳамчунин  самтҳои  муҳими  сиёсати  иқтисодии  Ҳукумати  Ҷумҳурии  Тоҷикистон  ва  масоили  сиёсати  умумӣ  муҳокима  шуданд.
Ҷонибҳо  ба масоили  бахши  энергетикаи  Тоҷикистон,  аз ҷумла, аз  нигоҳи  техникию  иқтисодӣ  асоснок  намудани  сохтмони  хати  баландшиддати интиқоли  барқи  СASA -1000 таваҷҷуҳи  хоса  зоҳир  намуда,  зикр  карданд, ки  ин лоиҳа судманду  муфид  аст. 
Дар  мулоқот ёвари муовини котиби  давлатии  ИМА аз рӯи  масъалаҳои демократия  ва  ҳуқуқҳои  инсон  Стивен  Фелдштайн  ва  сафири  ИМА  дар  Тоҷикистон Сюзан  Эллиот  ширкат  доштанд.