Мулоқоти Ҷамшед Нурмаҳмадзода бо Ху-Хуайбен

Душанбе, 4.02.2015 (АМИТ «Ховар», Лайло Тоирӣ).- Пас аз анҷоми семинари «Сохтмони хати иқтисодии Роҳи абрешим: маблағгузорӣ ва нақшабандӣ» раиси Раёсати БДА ҶТ “Амонатбонк” Ҷамшед Нурмаҳмадзода бо пешниҳоди раиси Бонки давлатии рушди Чин Ху-Хуайбен вохӯрд. Бино ба иттилои хадамоти матбуоти “Амонатбонк”дар  вохӯрӣ масъалаҳои ҳамкориҳои дуҷониба ва густариши ҳамкориҳо миёни Амонатбонк ва БДРЧ баррасӣ гардиданд. 
Масъалаи асосии вохӯрӣ-ин ҷалби сармояи хориҷӣ дар самти иқтисодиёти Тоҷикистон буд. 
Ҳамзамон дар вохӯрӣ масъалаи кушодани хати қарзии нав барои татбиқи лоиҳаҳои инвеститсионии барои ҷонибҳо мувофиқ дар ҳошияи ҳамкориҳои дуҷониба, ки барои рушди соҳаи иқтисодиёт ва баланд бардоштани сатҳи некуаҳволии мардум саривақтист, баррасӣ гардид. 
Масаъалаи дигар- ин омода намудани мутахассисони соҳибтаҷриба дар соҳаи фаъолияти бонкӣ ва такмили ихтисоси кормандони БДА ҶТ “Амонатбонк” буд. 
Дар вохӯрӣ раиси “Амонатбонк” Ҷамшед Нурмаҳмадзода раиси БДРЧ  Ху-Хуайбенро барои боз ҳам қавӣ гардонидани ҳамкориҳои дуҷониба ба Тоҷикистон барои боздид даъват намуд.