Мулоқоти Неъматулло Ҳикматулозода бо Киёши Кодера

 Душанбе, 10.02.2015 (АМИТ «Ховар», Мавҷуда Анварӣ).- Фаъолияти JICA дар Тоҷикистон ва таъсири омилҳои берунӣ ба иқтисоди кишвар дар мулоқоти вазири рушди иқтисод ва савдо Неъматулло Ҳикматулозода бо ноиби Президенти Агентии Ҷопон оид ба ҳамкории байналмилалӣ (JICA) Киёши Кодера, ки 9 -уми феврали соли ҷорӣ дар шаҳри Душанбе баргузор гардид, мавриди баррасии ҷонибҳо қарор гирифт.
Вазири рушди иқтисод ва савдо аз густариши ҳамкории судманд байни Ҷумҳурии Тоҷикистон ва Ҷопон, алалхусус дар самти агентӣ оид ба ҳамкории байналмилалӣ изҳори қаноатмандӣ намуд.
Тақвияти ҳамкориҳои мутақобилан муфид, таҳияи Стратегияи нави JICA барои Тоҷикистон, вазъи иқтисоди кишвар ва омилҳои рушди устувори он, робитаҳои иқтисодии хориҷӣ ва татбиқи барномаҳои муштарак аз мавзӯъҳои дигари мулоқоти дуҷониба буданд.