Мулоқоти Ш. Зуҳуров бо Т. Клаар
Душанбе, 03.01.2015. (АМИТ «Ховар»).-Имрӯз раиси Маҷлиси намояндагони Маҷлиси Олии ҶТ Шукурҷон Зуҳуров сарвари навтаъйини шуъбаи хадамоти аврупоии амалиёти хориҷии Иттиҳоди Аврупо оид ба равобити сиёсӣ бо кишварҳои Осиёи Марказӣ Тойво Клаар ва ҳамроҳони ӯро ба ҳузур пазируфт.
Дар мулоқот ба масъалаҳои тақвияти ҳамкории байни Маҷлиси намояндагони Тоҷикистон ва Иттиҳоди Аврупо таваҷҷуҳ зоҳир шуд.
Ш. Зуҳуров сатҳи муносиботи байни Маҷлиси намояндагон ва Иттиҳоди Аврупоро нек арзёбӣ намуда, зикр кард, ки: «Имрӯз ҳамкорӣ бо Иттиҳоди Аврупо аз сиёсатҳои авлавиятноки самтҳои бобарори фаъолияти Ҳукумати Ҷумҳурии Тоҷикистон ба ҳисоб меравад. Сарфи назар аз имкониятҳои маҳдуд, Тоҷикистон дар муддати кӯтоҳ бо истифода аз роҳу равиши муносиби ҳамкорӣ бо ҷомеаи ҷаҳонӣ тавонист, ки мушкилоти дохилиро аз тариқи сулҳу салоҳ ҳалл намояд, бо доираи васеи кишварҳои хориҷӣ ва созмонҳои байналмилалию минтақавӣ робитаҳои худро таҳкиму тавсеа бахшад».
Сарвари навтаъйин иброз намуд, ки: «Бо назардошти рушди устувори иқтисодии кишвар, Иттиҳоди Аврупо ба Тоҷикистон ҳамчун кишваре, ки ба вазъияти иқтисодӣ ва иҷтимоӣ дар минтақаи Осиёи Марказӣ таъсири мусбат мерасонад, таваҷҷуҳи зиёд зоҳир мекунад. Дар ин росто Иттиҳоди Аврупо ба нақша гирифтааст, ки то соли 2020 ба Точикистон 251 миллион евро кумаки молӣ расонад. Ин маблағ бевосита ба соҳаи тандурустӣ, маориф ва кишоварзӣ равона мешавад».
Дар вохӯрӣ ҳамчунин тақвияти ҳамкориҳо байни Маҷлиси намояндагони Маҷлиси Олии ҶТ ва Иттиҳоди Аврупо дар заминаҳои мубориза бо падидаҳои номатлуб, аз қабили терроризм, қочоқи инсон, гардиши ғайриқонунии маводи мухаддир ва дигар масъалаҳои мавриди таваҷҷуҳи тарафайн муҳокима шуданд.
Теъдоди ҳалокшудагони обхезӣ дар Бразилия аз 70 нафар гузашт
«Амонатбонк» меъёри фоизи қарзҳоро аз 2 то 4 банди фоизӣ паст намуд
Имрӯз дар Тоҷикистон ҳавои камабр пешгӯӣ мешавад
Бо мақсади тақвияти рушди содирот ба бозори ҷаҳонӣ бо хоҷагидорони ноҳияи Ҷайҳун вохӯрӣ доир шуд
ДАРАХТ БИНШОН! Дар Ишкошим 300 бех ниҳоли гуногуни мевадиҳанда шинонида шуд
Дар шаҳри Бӯстон бо сокинони маҳаллаи «Ғалаба» мулоқоти судманд баргузор гардид
Ба воҳидҳои Кумитаи ҳолатҳои фавқулода ва мудофиаи граждании Тоҷикистон техникаи нав супорида шуд
Имрӯз дар Тоҷикистон ҳавои абрнок пешгӯӣ мешавад
Дар Донишгоҳи давлатии ҳуқуқ, бизнес ва сиёсати Тоҷикистон доир ба ҳифзи арзишҳои миллӣ ҳамоиш доир шуд
Дар Вашингтон дар назди мактаб тирпаронӣ ба амал омад
Гурӯҳи кории Кумитаи меъморӣ ва сохтмони Тоҷикистон дар шаҳрҳои Дубай ва Давҳа табодули таҷриба намуд
Ҳамкории байналмилалии Донишгоҳи технологии Тоҷикистон бо шарикон тақвият меёбад
