Намоишгоҳи универсалии Тоҷикистону Чин доир мешавад
Душанбе, 06.02.2015. (АМИТ «Ховар», Кристина Эрлих).-Назар ба иттилои хадамоти матбуоти ПСС ҶТ, 4 феврал раиси Палатаи савдо ва саноати Тоҷикистон Шариф Саид дар ҷараёни сафари кориаш ба Чин бо сардори Раёсати бахши тиҷорати Ҳукумати ноҳияи мухтори Синҷону Уйғур Ся Гуантай мулоқот анҷом дод.
Мусоҳибон масоили рушду таҳкими минбаъдаи ҳамкорӣ дар бахшҳои афзалиятноки иқтисодиёту тиҷорат, аз ҷумла дар амри доир намудани намоишгоҳу ярмаркаҳоро баррасӣ намуданд. Зикр шуд, ки ҳамкории Тоҷикистон ва ҶМЧ ҳанӯз аз давраҳои Роҳи бузурги абрешим идома дорад. Асоси заминаи шартномавию ҳуқуқии ҳар ду кишварро беш аз 200 созишномаҳои байнидавлатию байниҳукуматӣ ташкил медиҳад. Чин яке аз шарикони асосии тиҷоратии Тоҷикистон ба шумор меравад.
Шариф Саид изҳор дошт, ки Чин шарики стратегии Ҷумҳурии Тоҷикистон маҳсуб ёфта, рушду таҳкими муносибатҳои дуҷонибаи дӯстию ҳамкорӣ бо ин кишвар яке аз самтҳои асосии сиёсати хориҷии Тоҷикистонро ташкил медиҳад.
Раиси ПСС ҶТ зикр намуд, ки дар Тоҷикистон вазъияти мусоиди сармоягузорӣ фароҳам оварда, таҳкурии қонунӣ барои дастгирии сармоягузорони инфиродӣ гузошта шудааст.
Дар ҷараёни мулоқот раиси ПСС ҶТ Шариф Саид ва сардори раёсати бахши тиҷорати Ҳукумати ноҳияи мухтори Синҷону Уйғур Ҷаноби Ся Гуантай созишномаро дар бораи аз 24 то 26 сентябри соли 2015 дар шаҳри Душанбе доир намудани Намоишгоҳи универсалии маҳсулоти саноатӣ ва технологияҳои Чин имзо намуданд.
Дар анҷом ҷонибҳо механизму шартҳои доир намудани Намоишгоҳи универсалии Чинро мавриди муҳокима қарор доданд.
Имрӯз дар баъзе ноҳияҳои Тоҷикистон туман мефарояд
Дар ноҳияи Муъминобод 168 километр роҳи мошингард таъмир гардид
«Oila TV» – шабакаҳои телевизионӣ мувофиқи ҳар табъу завқ
Имрӯз дар ноҳияҳои кӯҳии Тоҷикистон бориши борон ва барф дар назар аст
«КИТОБ БАРОИ МУҲОФИЗОНИ ВАТАН». Бахшида ба Рӯзи Қувваҳои Мусаллаҳи Ҷумҳурии Тоҷикистон иқдоми тақдими китоб идома дорад
Имрӯз дар баъзе ноҳияҳои Тоҷикистон бориши борон ва барф дар назар аст
АМАЛИЁТИ «ПИЁДАГАРД». Ҳадафи он коҳиш додани сатҳи садаманокӣ дар Тоҷикистон аст
МУШОҲИДОНИ БАЙНАЛМИЛАЛӢ. Қоидаҳои иштирок ва мақоми онҳо дар интихоботи вакилони Маҷлиси намояндагони Маҷлиси Олии Ҷумҳурии Тоҷикистон чӣ гуна аст?
«ЭЪЛОМИЯИ ҲУҚУҚИ БАШАРИ КУРУШИ КАБИР». Ин санад бузургтарин мероси маънавӣ дар миқёси умумибашарӣ аст
Имрӯз дар баъзе ноҳияҳои Тоҷикистон борон меборад
Танбашавии мошинҳо дар роҳҳои байналмилалие, ки аз маркази шаҳри Ваҳдат мегузаранд, кай бартараф мегардад?
ҲИСОББАРОБАРКУНИИ ҒАЙРИНАҚДӢ. 6 миллион амалиёти пардохти андоз ва боҷҳо ба тариқи ғайринақдӣ анҷом ёфт
