Намоиши асарҳои рассомони Эрон дар КМТ

Душанбе, 09.02.2015. (АМИТ “Ховар”, Рафоати Абдулҳамид).- Имрӯз дар Китобхонаи миллии Тоҷикистон (КМТ) бо ибтикори  Ройзании фарҳангии Эрон намоиши асарҳои рассомони Эрон баргузор гардид. Дар  намоиш ҳудудан 45 асари  офаридаи се рассом: Довуд Сулаймонӣ, Козим Хуросонӣ ва Майсам Нилӣ, ки  дар риштаи кандакорӣ ва хушнависӣ дар рӯи чӯб тасвир ёфтаанд,  ба тамошо гузошта шуд.
Тавре ки сомонаи расмии Китобхонаи миллии Тоҷикистон хабар медиҳад,  дар намоишгоҳ Сафири Эрон дар Ҷумҳурии Тоҷикистон  Ҳуҷҷатулло Фағонӣ иштирок намуда гуфт: «Мақсади баргузории чунин чорабиниҳо ба ҳам наздик намудани  равобити фарҳангии ин ду кишвар буда,   умед бар он дорем, ки дар  оянда ҳамкориҳои дуҷониба боз ҳам тақвият хоҳанд ёфт».