Ноболиғ сабабгори ҳалокати 4 шаҳрванд

Душанбе, 10.02.2015. (АМИТ «Ховар»,  Муқаддас  Темурзода).- Бар  асари тасодуми нақлиётӣ 4  нафар   шаҳрвандон  ҳалок  гардиданд. 
Назар ба  иттилои  ВКД  ҶТ, як  нафар  ноболиғи   шаҳри  Қӯрғонтеппа ҳангоми  идораи  мошини  шахси  дигар дар  роҳи байни  ноҳияҳои  Ҷалолиддини Румӣ ва  Қумсангир  аз  ӯҳдаи  идораи  нақлиёт набаромада,  ба  мошини  Абдулвоҳид  Ҳамроев — сокини  ноҳияи  Рӯдакӣ,  бархӯрд.
Бар  асари  ин  ҳодиса  ронандаи  мошини «Opel Astra» А. Ҳамроев  ва  мусофиронаш — сокинони  ноҳияи  Рӯдакӣ Муруватшо  Наврӯзов,  Табаракшо  Наврӯзов  ва  сокини  ноҳияи  Кумсангир  Ҳусейн  Ӯрозалиев  ҷароҳати  вазнин  бардошта,  дар  маҳалли  воқеа  ҳалок  шуданд.