Омодагиҳо ба Наврӯзи байналмилалӣ

Душанбе, 04.02.2015. (АМИТ “Ховар”, Рафоати Абдулҳамид).- Дар ноҳияи Бобоҷон Ғафуров бахшида ба соли фарҳанг ва гулҳо, инчунин дар доираи омодагиҳо ба Наврӯзи байналмилалӣ корҳои ободонӣ вусъати тоза касб намудаанд.
Тавре ки аз Хадамоти матбуоти раиси вилояти Суғд хабар доданд, бо ташаббуси ҷавонон дар ин ноҳия ҳашари ноҳиявӣ доир гардид, ки  дар он 400 нафар иштирок намуд. Ҷавонон боғи фарҳангии ба номи Абуабдулло Рӯдакии ноҳияро аз партовҳо тоза намуда, 500 бех ниҳоли ҳамешасабз шинониданд. Бо дастгирии ҷавонон 2 тонна партов, 3,5 км ҷӯйбор ва 6000 метри мураббаъ роҳ тоза шуд.