Озмун — ҷашнвораи байналмилалии «Оҳанги баҳор»
Душанбе, 04.02.2015. (АМИТ «Ховар»).- Аз 23 то 26 март дар шаҳри Остонаи Қазоқистон Озмун — ҷашнвораи байналмилалии «Оҳанги баҳор» баргузор мегардад, ки дар он гурӯҳҳои эҷодкори Тоҷикистон ҳам метавонанд иштирок кунанд.
Назар ба иттилои Вазорати фарҳанги ҷумҳурӣ, мақсади асосии озмун дастгирию тарғиби эҷодкорӣ, баланд бардоштани завқи бадеию зебоӣ ва мутобиқати дастовардҳои соҳаи санъат ба меъёри ҷаҳонӣ мебошад.
Ба ҷашнвора гурӯҳҳои мухталифи эҷодкор даъват мешаванд. Чорабинии мазкур бо ибтикори ҷунбиши «Astana Stars» ва дастгирии Раёсати фарҳанги ҳокимияти шаҳри Остона рӯи кор оварда мешавад.
Дар ҳошияи ҷашнвора профессорону омӯзгорони Донишгоҳи миллии санъати Қазоқистон ҳозиронро бо санъати хореография, суруду мусиқӣ ва бахшҳои дигари санъат шинос мекунанд.
Ҷоизони озмун бо инъомҳои қиматбаҳо қадр карда мешаванд.
Имрӯз дар шаҳри Душанбе ҳаво то 44 дараҷа гарм мешавад
20 июл дар Вазорати рушди иқтисод ва савдо, Бонки миллӣ ва Агентии омор нишасти матбуотӣ баргузор мегардад
Имрӯз дар водиҳои Тоҷикистон ҳаво то 43 дараҷа гарм мешавад
ДАР МАСИРИ ИЛМУ МАЪРИФАТ. Эҳдо ба рӯзи таъсисёбии Коллеҷи омори шаҳри Ваҳдат
Имрӯз дар доманакӯҳҳои Тоҷикистон ҳаво то 37 дараҷа гарм мешавад
НИШАСТИ МАТБУОТӢ. Дар корхонаҳои саноатии ноҳияи Шоҳмансур ба маблағи беш аз 600 миллион сомонӣ маҳсулот истеҳсол шудааст
Имрӯз дар шаҳри Душанбе ҳаво то 40 дараҷа гарм мешавад
