Озмуни «Ҳамадон» байни мактабҳои Қурғонтеппа

Февраль 2, 2015 15:42

Душанбе, 02.02.2015. (АМИТ “Ховар”, Рафоати Абдулҳамид).- Дар асоси нақшаи чорабинии мақомоти иҷроияи маҳалии ҳокимияти давлатии шаҳри Қурғонтеппа бахши ҷавонони шаҳр дар таътили зимистона чорабиниҳои гунонгунро роҳандозӣ намуда, дар ин мавсим наврасону ҷавонони зиёдеро ба онҳо ҷалб намуд.
Бахши ҷавонони шаҳр дар баробари доир намудани суҳбату вохӯрӣ ва чорабиниҳои варзишӣ дар ҳамкорӣ бо шуъбаи маориф байни хонандагони фаъоли 18 муассисаи таълимии шаҳр озмуни «Ҳамадон»-ро доир намуд. 
Даври аввали озмун дар муассисаҳои таълимӣ сурат гирифта, ғолибон ба даври дуюм, яъне ниҳоӣ роҳхат гирифтанд. Даври дуюми озмуни «Ҳамадон» дар Литсей- интернати физикӣ-математикии «Ориёно» сурат гирифта, ба дастаҳо саволҳои тестӣ аз фанҳои дақиқ ва гуманитарӣ пешниҳод шуданд. Баъди санҷиш маълум гардид, ки гурӯҳи хонандагони Литсей-интернати физикӣ-математикии «Ориёно» бо гирифтани 128 хол сазовори ҷои аввал гардиданд.
Баъди ҷамъбаст зинаи дуюмро бо соҳиб шудани 104  хол хонандагони муассисаи таҳсилоти миёнаи умумии №12 ва ҷойҳои сеюмро  хонандагони мактаби №13 ва 9 сазовор гардида, бо ифтихорнома ва туҳфаҳои хотиравӣ сарфароз гардонида шуданд.

Февраль 2, 2015 15:42

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд