Озод кардани шаҳрванди Тоҷикистон Гулрухсор Рофиева дар Яман
Душанбе, 10.02.2015 (АМИТ «Ховар»).- Тибқи маълумоти Сафорати Ҷумҳурии Тоҷикистон дар Давлати Қатар шаҳрванди Ҷумҳурии Тоҷикистон Рофиева Гулрухсор, ки дар минтақаи Маъриби Яман рабуда шуда буд, 10 феврали соли 2015 озод карда шуд.
Ин хаббарро ёвари Вазири корҳои дохилии Ҷумҳурии Яман полковник Набил Ваҷиҳ дар суҳбати телефонӣ аз номи Вазири корҳои дохилии Яман Ҷалол Рувайшон ба Сафири Тоҷикистон дар Қатар тасдиқ намуд.
Тибқи маълумот ҳолати руҳиву ҷисмонии шаҳрванди тоҷикистонӣ хуб аст.
Бояд қайд кард, масъалаи озод кардани шаҳрванди Ҷумҳурии Тоҷикистон Рофиева Гулрухсор тибқи супориши Президенти Ҷумҳурии Тоҷикистон Эмомалӣ Раҳмон мавриди таваҷҷӯҳи пайвастаи Вазорати корҳои хориҷӣ қарор дошт ва Вазорати корҳои хориҷӣ аз тамоми имкониятҳои мавҷуда истифода кард. Аз ҷумла, Паёмҳои Вазири корҳои хориҷии Тоҷикистон ба Вазири корҳои хориҷии Яман фиристода шуданд.
Инчунин бо супориши Визири корҳои хориҷӣ Сафири Тоҷикистон дар Қатар Ардашер Қодирӣ низ барои ҳалли қазияи мазкур 6-7 январи соли 2015 ба Яман сафар кард ва дархости Вазири корҳои хориҷӣ Сироҷидин Асловро ҷиҳати иқдомоти бештари ҷониби яманӣ дар раҳоиши шаҳрванди Тоҷикистон Гулрухсор Рофиева ба вазирони корҳои хориҷӣ, корҳои дохилӣ ва мақомоти амниятии ин кишвар баён дошт.
Вазорати корҳои хориҷӣ бори дигар ба шаҳрвандони Тоҷикистон, ки айни замон дар минтақаҳои мухталифи Яман қарор доранд, хотиррасон мекунад, ки бояд бисёр эҳтиёткор бошанд, аз ҷойҳои таҷаммӯи одамон ва ё гурӯҳҳои алоҳида иҷтиноб варзанд ва дар сурати ташдиди вазъият дар Яман, ин кишваро тарк кунанд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






