«Парасту-2015» ба зодрӯзи А. Бурҳонов бахшида мешавад

Душанбе, 26.02.2015. (АМИТ “Ховар”, Ситораи Боймурод).- Тибқи иттилои Вазорати фарҳанги Ҷумҳурии Тоҷикистон бо мақсади рушди драматургияи миллӣ, санъати театрии мамлакат, таҳияи асарҳои баландғояи ватанӣ, баланд бардоштани сатҳи маҳорати касбии коргардонҳо, ҳунармандон, рассомон, бастакорон, ҳисси ифтихори ватандӯстию ватанпарастӣ, анъанаҳои хуби таърихию фарҳангӣ бахшида ба 100-солагии Ҳунарпешаи халқии СССР Аслӣ Бурҳонов аз 15-ум то 19 июни соли равон дар шаҳри Душанбе фестивал-озмуни ҷумҳуриявии театрҳои касбӣ «Парасту-2015» баргузор мегардад. 
Гуфта мешавад, ки бори нахуст мунаққидон ва коршиносони соҳаи театрии кишварҳои узви Иттиҳоди Давлатҳои Мустақил дар якҷоягӣ бо ҳайати ҳакамони Ҷумҳурии Тоҷикистон фестивал-озмунро натиҷагирӣ менамоянд.