Парлумон ба қонуни конститутсионӣ тағйирот ворид менамояд

               Душанбе, 24.02.2015.(АМИТ «Ховар», Марзия Саидзода).-Интизор меравад, ки вакилони палатаи поёнии Парлумони Тоҷикистон ба лоиҳаи Қонуни конститутсионии Ҷумҳурии Тоҷикистон «Дар бораи Суди конститутсионии Ҷумҳурии Тоҷикистон» тағйиру иловаҳо ворид намоянд. Масъалаи мазкур дирӯз дар ҷаласаи Шӯрои Маҷлиси намояндагон таҳти раёсати Шукурҷон Зуҳуров -раиси палатаи поёнии Парлумони мамлакат баррасӣ шуд.
      Аз палатаи поёнии Парлумони мамлакат ба АМИТ «Ховар» иттилоъ доданд, ки дар ҷаласа ҳамзамон ворид намудани тағйиру иловаҳо ба қонунҳои Ҷумҳурии Тоҷикистон «Дар бораи рӯзҳои ид»,  «Дар бораи солимии репродуктивӣ ва ҳуқуқҳои репродуктивӣ», «Дар бораи реклама», «Дар бораи ҳимоя ва дастгирии давлатии соҳибкорӣ»,  «Дар бораи рақобат ва маҳдудкунии фаъолияти инҳисорӣ дар бозорҳои мол» матраҳ гардиданд.