Пирӯзии «Хайр» ба «Sheikh Russel Krira Chakra»

Душанбе, 11.02.2015. (АМИТ “Ховар”, Ситораи Боймурод).-  Бозии даври дуюми интихобии Ҷоми КФО (Конфедератсияи футболи Осиё) — 2015 байни дастаҳои «Хайр»-и Ваҳдат ва «Sheikh Russel Krira Chakra»-и Бангладеш, ки дирӯз дар Варзишгоҳи марказии Душанбе баргузор шуд, бо пирӯзии футболбозони тоҷик хотима ёфт. 
Тавре ки дар ин бора Кумитаи миллии олимпии кишвар хабар додааст, » ба ин тартиб ”Хайр” дар даври севум ва ҳалкунандаи интихобӣ 17-уми феврал дар сафар бо барандаи Ҷоми Лубнон-2014 — бошгоҳи «Салом Ҷҳарта» — вориди рақобат мешавад. Дар сурати пирӯзӣ «Хайр» дар Ҷоми АФК-2015 дар гурӯҳи «А» бо «Ал-Ваҳдат» ё «Зат Рас»-и Урдун, «Ал-Наҳда» ё «Сувайк»-Умон ва ё «Ал-Ваҳда»-и Сурия рақобат хоҳад кард.
Дар ин дидор дастаи «Хайр» муқобили «Sheikh Russel KC” бо чунин ҳайат бозӣ кард: Анатолий Старушенко, Сафаралӣ Каримов, Идибек Ҳабибуллоев, Субҳон Хоҷамов, Баҳодур Шарифов, Мирзобек Мирзоев (капитан, Парвиз Ҳамидов, 90+2), Алишер Ӯлмасов, Маҳмадалӣ Содиқов (Меҳроҷиддин Музаффаров, 47), Ҳасан Рустамов, Дмитрий Медетский, Шодибек Ғаффоров.