Поси хотири шаҳидон дар Исфара
Душанбе, 16.02.2015. (АМИТ “Ховар”, Рафоати Абдулҳамид).- Дар арафаи 26 — умин солгарди баровардани Қувваҳои Мусаллаҳи Иттиҳоди Шӯравӣ аз марзи Афғонистон дар майдон ва пешгоҳи маҷмааи ҷанговарони байналмилал дар Исфара бо ширкати васеи аҳли ҷомеа чорабинӣ доир гардид. Дар ин бора сухангӯи шаҳрдори Исфара Иқбол Тешаев иттилоъ дод.
Ширкатдорони чорабинӣ ба пояи муҷассамаи ҷанговарони байналмиллал гулдастаҳо гузошта, поси хотири шаҳидони ҷанг, аз ҷумла, 12 нафар сарбозону афсаронеро, ки зодаи Исфара буданду дар раванди набардҳо фавтиданд ва ҳам 20 нафар ҷавонмардони солиёни баъдиҷангиро, ки бар асари ҷароҳатҳои гирифтаи худ вафот кардаанд, ба некӣ ба ҷо оварданд.
Тавре ки раиси шаҳри Исфара Зоҳидзода Даврони Абдуқодир зикр намуд, он замон 350 нафар ҷавонони далер ва баору номуси Исфарамарз тибқи уҳдадории шаҳрвандии худ дар хоки Афғонистон адои хизмати ҳарбӣ намудаанд. Барои шуҷоату комёбиҳои ҷангӣ 11 нафари онон ба ордени «Ситораи сурх» ва 67 нафар бо медалҳои арзишманди ҷангӣ мушарраф гардиданд.
Тавре ки Хадамоти матбуоти раиси вилояти Суғд хабар додааст, дар арафаи 26 — умин солгарди баровардани Қувваҳои Мусаллаҳи Иттиҳоди Шӯравӣ аз марзи Афғонистон аҳли оилаи 52 нафар собиқадорон аёдат ва бо кумаки моддии мақомоти иҷроияи ҳокимияти давлатии шаҳри Исфара фаро гирифта шуданд.








Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд






