Прокуратура “Ҷоми ВКД”-ро ба даст овард
Душанбе, 10.02.2015. (АМИТ “Ховар”, Муқаддас Темурзода).-Дирӯз дар шаҳри Хуҷанд маросими бозиҳои ниҳоии мусобиқаи кушоди варзишии футболи хурд байни дастаи мақомоти ҳифзи ҳуқуқ ва сохторҳои қудратӣ, корхонаҳо ва идораҳои давлатии вилояти Суғд баргузор гардид.
Тавре ки ВКД ҶТ хабар медиҳад, барои дарёфти ҷойи сеюм ва ноил гардидан ба медалҳои биринҷии мусобиқа байни дастаҳои Раёсати Кумитаи давлатии амнияти миллӣ ва Дастаи таъйиноти махсуси милитсияи (ДТММ) Раёсати ВКД дар вилояти Суғд баргузор гардид. Дар бозии мазкур кормандони ДТММ тавонистанд ба дарвозаи ҳариф 3 гол заданд, бо ҳисоби 3 бар 2 ғолиб шуда, диловарони даста соҳиби ҷои саввуми мусобиқа шуда, сазовори медалҳои биринҷӣ гардиданд.
Бозии ниҳоӣ байни дастаҳои Раёсати ВКД дар вилояти Суғд ва Прокуратураи вилоят хеле пурҷӯшу хурӯш баргузор гардид. Бозиро наздики 5 ҳазор нафар мухлис дар толори Қасри варзиш тамошо намуд. Дар бозии ниҳоӣ кормандони Прокуратураи вилояти Суғд тавонистанд ба дарвозаи ҳариф 5 гол ворид намуда, 2 голро аз тарафи ҳарифон қабул намоянд ва бо ҳисоби 5 бар 2 ғолиби мусобиқа шуда, сазовори ҷои аввал ва Ҷоми вазири корҳои дохилии Ҷумҳурии Тоҷикистон гарданд.
Мавриди зикр аст, ки мусобиқа тӯли 6 рӯз бо ташаббуси вазири корҳои дохилӣ Раҳимзода Рамазон Ҳамро таҳти шиори «Варзиш барои оилаи солим ва зидди нашъамандӣ» баргузор гардида, дар он 10 дастаи мақомоти ҳифзи ҳуқуқ ва сохторҳои қудратии вилоят ва 8 дастаи наврасону ҷавонони вилояти Суғд иштирок намуданд.
Дар маросими ҷамъбаст сардори Раёсати ВКД дар вилояти Суғд Шариф Назарзода, прокурори вилоят Шариф Қурбонзода ва комиссари ҳарбии вилоят Аъзам Қосимов ба 4 дастаи ғолиб: наврасону ҷавонон, Прокуратураи вилоят (ҷои аввал), Раёсати ВКД дар вилоят (ҷои дуввум) ва Дастаи таъиноти махсуси милитсия Раёсати ВКД дар вилояти Суғд (ҷойи сеюм) диплом, медал ва тӯҳфаҳои пулиро тақдим намуданд.
Дар охир сардори Раёсати ВКД Шариф Назарзода шоҳҷоиза — “Ҷоми вазири корҳои дохилии Ҷумҳурии Тоҷикистон”-ро аз номи вазири корҳои дохилӣ Р. Раҳимзода ба дастаи ғолиб-Прокуратураи вилояти Суғд тақдим намуд.
Имрӯз дар доманакӯҳҳои Тоҷикистон ҳаво то 36 дараҷа гарм мешавад
Имрӯз дар водиҳои Тоҷикистон ҳаво то 39 дараҷа гарм мешавад
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
