Рӯзи дарҳои кушод дар қисмҳои низомӣ

Душанбе, 13.02.2015. (АМИТ «Ховар», Мавҷуда Анварӣ).-Бахшида ба таъсиси Артиши Миллӣ бо мақсади баланд бардоштани ҳисси ватандӯстӣ, ифтихори миллӣ ва омода намудани ҷавонон барои хизмат дар қисмҳои низомии вилояти Суғд Рӯзи дарҳои кушод баргузор гашта истодааст.
Нахустин чорабинӣ дар қисми низомии 03377 Комендатураи ҳарбии гарнизони Суғд доир гардид, ки дар он наздики 200 нафар ҷавони синни тодаъватӣ иштирок намуд. 
Сардори зершуъбаи даъват ва тайёрии ҷавонон ба хизмати ҳарбии комиссариати ҳарбии шаҳри Хуҷанд Нозимҷон Шоҳмаҳмадов наврасонро бо шароит ва низоми хизмати сарбозон ошно намуд.
Ҳамчунин ба иштирокдорони чорабинӣ тарзи истифодаи яроқу аслиҳа, шароити хобгоҳ, синфхонаи дарсиву истироҳатӣ ва ошхона намоиш дода шуд. 
Рӯзи дарҳои кушод дар дигар қисмҳои низомии вилоят низ баргузор мегардад.