Рушди афкори китобдории тоҷик дар даврони истиқлол

Душанбе, 02.02.2015. (АМИТ “Ховар”, Рафоати Абдулҳамид).- Дар Пажӯҳишгоҳи илмӣ — тадқиқотии фарҳанг ва иттилоот бо иштироки олимони соҳаи китобдорӣ ва коршиносон дар мавзӯи “Рушди афкори китобдории тоҷик дар даврони истиқлол” конфронси илмӣ — амалӣ доир гардид.
Дар Китобхонаи давлатии бачагонаи ҷумҳуриявии бо номи Мирсаид Миршакар, ки фонди умумиаш 102 ҳазору 736 нусха аст, дар мавзӯи “Китоб — оинаи фазлу камол” семинари ҷумҳуриявӣ ва семинар- тренинги “Технологияи муосири иттилоотӣ — коммуникатсионӣ дар раванди хизматрасонӣ ба хонандагон дар китобхона” баргузор гардида, фонди китобхона бо 1128 нусха китоби тозанашр ва матбуоти даврӣ мукаммал гардид. Китобхона бо 6172 хонанда хизмат расонидааст, ки дар маҷмӯъ аз 16 ҳазору 784 нусха китоб истифода бурдаанд. Ба ифтихори рӯзи Ҷалолиддини Балхӣ маҳфили ҷумҳуриявии “Мавлавихонӣ” бо ҷалби ҳунармандон аз шаҳру ноҳияҳои Ваҳдат, Турсунзода, Шаҳринав, Ҳисор, Рӯдакӣ, Сино, муасисаҳои таълимии соҳаи фарҳанг ва адибони маъруф сурат гирифт.