Русия шаҳрвандони Тоҷикистонро ба кор даъват мекунад
Душанбе, 16.02.2015. (АМИТ «Ховар», Лайлдо Тоирӣ).- Ҷамъияти масъулияташ маҳдуди «Маҷмаи кишоварзию саноатии Шатурский» шаҳрвандони Тоҷикистонро ба иҷрои кори доимии мавсимӣ даъват мекунад. Директори генералии ҷамъияти мазкур Анатолий Гуров зимни мулоқот бо роҳбари намояндагии Вазорати меҳнат, муҳоҷират ва шуғли аҳолии ҶТ дар ФР оид ба муҳоҷират Асрор Одинаев дар ин бора хабар дод.
Назар ба иттилои котиби матбуоти Намояндагии Вазорати меҳнат, муҳоҷират ва шуғли аҳолии ҶТ дар ФР Иброҳим Аҳмадов, ширкати мазкур асосан ба чорводорӣ машғул буда, маҳсулоти ширӣ ва гӯшт истеҳсол менамояд.
«Мо дар ҳоли ҳозир ба ширдӯшону чорводорон зарурат дорем», — гуфт Анатолий Гуров. Мавсуф зикр намуд, ки ҷамъияти мазкур шаҳрвандони хориҷиро дар асоси Кодекси меҳнати Федератсияи Русия ба кор қабул карда, онҳоро бо манзил ва хӯрок таъмин менамояд. Ба гуфтаи директори ҷамъият, барои кормандони оиладор шароити зарурӣ пешбинӣ гардида, фарзандонашон ба кӯдакистон ва мактаб қабул карда мешаванд. Маоши якмоҳа ба таври миёна бо назардошти ду рӯзи истироҳати ҳафта 30 ҳазор рублро ташкил медиҳад.
Анатолий Гуров ҳамчунин зикр намуд, ки ширкат ба қисман пардохтани маблағи андозҳои кормандон омодааст.
Имрӯз дар доманакӯҳҳои Тоҷикистон ҳаво то 36 дараҷа гарм мешавад
Имрӯз дар водиҳои Тоҷикистон ҳаво то 39 дараҷа гарм мешавад
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
