Сабр асоси пойдорӣ ва бақои оила аст
Душанбе, 05.02.2015. (АМИТ «Ховар», Мавҷуда Анварӣ).- Дар толори Донишгоҳи давлатии Хуҷанд ба номи академик Б. Ғафуров таҳти унвони «Фарҳанги оиладорӣ» маҳфили фарҳангӣ баргузор гардид. Дар чорабинӣ дар мавзӯи «Сабр асоси пойдорӣ ва бақои оила» мутахассиси Хонаи ақди никоҳи шаҳри Хуҷанд Умеда Хоҷаева ва омӯзгори кафедраи педагогика ва психологияи фаъолияти касбӣ Мунаввара Мухторова маърӯза намуданд.
Тибқи иттилои Маркази иттилоот ва таҳлили раёсати донишгоҳ, Мунаввара Мухторова аз ҷумла гуфт, ки: «Сабре, ки дар дохили оила нишон дода мешавад, на танҳо шахси сабркунанда, балки ҳар як фарди оиларо фаро мегирад ва барои хушбахтии онҳо нигаронида мешавад. Сабр дар оила пеши роҳи хонавайрониро мегирад».
Дар чорабинӣ байни мутахассисон ва донишҷӯён саволу ҷавоб баргузор гардида, дастаи ҳунарии ин даргоҳ бо суруду оҳангҳои дилошӯб маҳфилро ҷамбаст намуд.
Ёдовар мешавем, ки 3-юми феврали соли ҷорӣ Фармони Президенти кишвар Э. Раҳмон дар бораи эълон намудани соли 2015 «Соли оила» ба тасвиб расид, ки мақсади он баланд бардоштани маърифати ҳуқуқии аҳолӣ, таҳкими оила ва танзими муносибатҳои оилавӣ мебошад.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






