Сафари Ш. Ҷононов ба музофоти Балуҷистон
Душанбе, 02.02.2015 (АМИТ «Ховар»).- 28-29 январи соли 2015 Сафири Фавқулода ва Мухтори Ҷумҳурии Тоҷикистон дар Ҷумҳурии Исломии Покистон Шералӣ Ҷононов ба шаҳри Кветтаи музофоти Балуҷистони Покистон сафар намуд.
Дар вохӯрӣ бо роҳбарият ва аъзои Палатаи тиҷоратӣ ва саноатии музофоти Балуҷистон доир ба иқтидорҳои энергетикии Ҷумҳурии Тоҷикистон, имкониятҳои сармоягузорӣ, иқдомҳои Ҳукумати Ҷумҳурии Тоҷикистон оид ба ташвиқ ва ҷалби сармоя, доир ба минтақаҳои озоди иқтисодии Тоҷикистон мубодилаи афкор сурат гирифт.
Дар вохӯрӣ бо садорати Донишгоҳи музофоти Балуҷистон оид ба роҳ мондани робитаҳои илмӣ бо мактабҳои олии Тоҷикистон, мубодилаи таҷрибаҳои илмӣ ва олимону донишҷӯён баррасӣ гардиданд. Ба Сафири Тоҷикистон тарҷумаи асари устод Садриддин Айнӣ «Мухтасари тарҷумаи ҳоли худам» бо забони балуҷӣ пешкаш гардид, ки аз ҷониби устодони донишгоҳи мазкур ба чоп расонида шудааст.
29 январ Сафири Тоҷикистон Ш.Ҷононов бо губернатори музофоти Балуҷистони Покистон Муҳаммад Хон Ачакзай ва Вазири аъзами он Абдул Малик Балуҷ мулоқотҳои алоҳида доир кард, ки дар онҳо имкониятҳои рушди тиҷорат, сармоягузорӣ, нақлиёт ва ҳамлу нақли бор ва робитаҳои фарҳангӣ муҳокима гардиданд.
Зимни ин сафар вохӯрии Ш.Ҷононов бо тоҷикони бумие, ки дар музофоти Балуҷистони Покистон зиндагонӣ менамоянд, баргузор гардид.
Имрӯз дар доманакӯҳҳои Тоҷикистон ҳаво то 36 дараҷа гарм мешавад
Имрӯз дар водиҳои Тоҷикистон ҳаво то 39 дараҷа гарм мешавад
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
